Холандскиот бестселер за деца „Кралот на Каторен“ од Јан Терлоу излезе од печат на македонски јазик во издание на „Либи“, дел од „Арс Ламина – публикации“. Книгата, по која е снимен и истоимениот филм во 2012 година, е возбудлива авантура во која се зборува за веселиот, стар крал на Каторен кој починал и го оставил престолот празен.
Шестмина алчни министри ја презеле власта со изговор дека го бараат новиот крал, но ништо од тоа – цели седумнаесет години. Тогаш одненадеж, пред портите на кралската палата се појавило едно момче, кое се родило на денот на смртта на кралот.
Седумнаесетгодишниот момчето по име Стач било одлучно да стане новиот владетел, па ги прашало шестемина министри што треба да стори за да ја добие таа функција. Исплашени да не ја загубат својата одлична позиција, министрите му задале на Стач седум речиси невозможни задачи, што може да ги исполни единствено оној кој ги поседува кралските особини – мудрост, храброст и пожртвуваност. Но, Стач се покажал бестрашен и доблестен, а неговите чесни намери и кралски особини го довеле до тронот на Каторен.

Изданието е достапно во книжарниците „Литература.мк“, а онлајн може да се нарача на следниот линк.