Триесет и првото издание на Саемот на книгата ќе се одржи од 8 до 14 мај 2019 година во ВИП Арената „Борис Трајковски“, Скопје. На Саемот на книгата, освен македонските издавачки куќи, ќе има учесници и од регионот: Србија, Косово и Албанија. Планирани се голем број промоции, средби со автори, а љубителите на книгата можат да очекуваат големи саемски попусти.
Годинава, земја во фокусот на саемот е Унгарија. Амбасадата на Република Унгарија во Република Македонија организира национално претставување на унгарската литература.
Подготовките се во завршна фаза. Како и секоја година, покровител на саемската манифестацијата е Министерството за култура. Очекувањата се дека годинешниот Саем на книгата со својата богата изложбена програма ќе ја надмине рекордната бројка од околу 45.000 посетители.