Овогодинешниот добитник на најпрестижното книжевно признание на светот – Букеровата награда (Man Booker Prize 2014) е Австралиецот, или поточно Тасманиецот Ричард Фланеган, за неговиот епски роман „Тесниот пат кон длабокиот север“ (The Narrow Road to the Deep North).

Ова е шести роман на Фланеган и е дело со епски размери, кое ја раскажува приказната за австралискиот хирург Дориго Еванс. Во очајот на воениот јапонски камп на Бурманската железница на смртта, во 1943 година, Дориго е прогонуван од вина поради љубовната афера со жената на неговиот вујко, две години претходно. Борејќи се да ги спаси луѓето кои се под негова команда од глад, колера, тепање, тој добива писмо кое ќе го промени неговиот живот засекогаш.

Романот, оценет како ремек-дело, се занимава со соочувањето на човекот со вистината, ефектите од војната и многуте можни форми на љубовта.