Романот „Ние“ од Ана Стојаноска ја раскажува љубовната приказна низ призмата на жената и низ призмата на мажот

Четвртиот роман на писателката Ана Стојаноска, „Ние“, деновиве излезе од печат во издание на „Арс Либрис“, дел од „Арс Ламина – публикации“. Ракописот на Стојаноска влезе во потесниот избор за наградата „Пегаз“ за 2021 година (заедно со „Хотел меѓу две војни“ од Александар Русјаков, кој ја доби наградата „Пегаз“, и „Мастилна мапа“ од Марија Ралповска), што ја доделува „Арс Ламина“ во соработка со фондацијата „Славко Јаневски“.

Авторката вели дека романот има интересна, загонетна структура во трите елементарни форми на нарација (јас, ти и ние форма) и истовремено си игра со читателот, поставувајќи го во централната позиција на откривање на тоа што е вистинито, а што измислено во делото.

Романот е концентриран на една навидум обична љубовна приказна, помеѓу една писателка и нејзиниот маж, а всушност раскажува неколку попатни приказни, постхумно откриени од страна на нејзиниот сега веќе возрасен син. Книгата си игра и со приказната и со читателите, создавајќи една динамична наративна линија, во која еден настан е раскажан и низ призмата на машкиот и низ призмата на женскиот главен лик.

Ана Стојаноска создава роман што излегува од рамките на вообичаеното раскажување и покажува како една љубовна приказна може да биде третирана како наративен предизвик.

Ова е четвртиот роман на Ана Стојаноска, по „Јас и Лин, отпосле“ (за кој го доби „Рациновото признание“ за 2017 година), „Дијалози во еднина“ и „Лебед“.

Ана Стојаноска (Прилеп, 1977) е писателка, театролог, редовна професорка на Факултетот за драмски уметности – Скопје и актуелна директорка на МТФ „Војдан Чернодрински“ – Прилеп. Авторка е на повеќе од сто библиографски единици од областа на книжевноста, театрологијата и културологијата. Авторка и коавторка на неколку театарски монографии и собрани драми. Нејзината поетска збирка „Потпис: Трепетлика“ ја доби наградата „Антево перо“ за 2020 година.

Книгата е достапна во сите книжарници на „Литература.мк“ и онлајн преку www.literatura.mk преку следниот линк: https://www.literatura.mk/BookDetails.aspx?Pr=15006

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.