Сликовницата „Девојче и мече“ од Ване Костуранов излезе на корејски јазик

Наградуваната сликовница „Девојче и мече“ од познатиот македонски илустратор и уметник Ване Костуранов деновиве излезе од печат и на корејски јазик. Ова е трет јазик на којшто е печатена книгата. По првичната објава на македонски јазик, во издание на „Либи“, дел од „Арс Ламина – публикации“, следуваше српска верзија објавена од „Лагуна“. Во Јужна Кореја ја издава „Јелоустоун паблишинг“ (Yellowstone publishing).

Авторот Костуранов вели дека се радува што „книгата излегуваат од границите и е достапна и за други деца и на други јазици“.

– Деновиве од печат излезе корејското издание на „Девојче и мече“, а секој ден очекувам да ми пристигне копија од книгата и на мојата домашна адреса. Соработката со корејскиот издавач „Јелоустоун паблишинг“ се случи благодарение на мојата агентка, Ана Торма, која живее и работи во Шпанија. Во Јужна Кореја имаше две издавачки куќи што беа заинтересирани за книгата, но на крајот ја избравме оваа млада и независна издавачка куќа. Голема е радоста кога книгите излегуваат од границите и кога стануваат достапни и за други деца и на други јазици. Книгата изгледа прекрасно. Корејското писмо е навистина преубаво, дизајнерски компактно и одлично вклопено со илустрациите. Едвај чекам да ја видам книгата во живо, да ја допрам хартијата, да го видам печатот одблизу – ни изјави Костуранов.

Тој најавува дека во скоро време треба да излезе од печат и германското издание на книгата.

Ване Костуранов на промоцијата на „Девојче и мече“ во книжарницата „Литература.мк“ во 2019г.

„Девојче и мече“ во 2019 година се најде на престижната книжевна листа „Вајт рејвенс“ (The White Ravens). Овој каталог е најважното издание на Интернационалната библиотека за млади во Минхен, кој се издава со цел да ги промовира најдобрите книги за деца и млади од целиот свет. Листата содржи книги што заслужуваат светско внимание поради универзалните теми што ги обработуваат, како и поради нивниот исклучителен уметнички и литературен стил. „Девојче и мече“ е првата книга од Македонија што се нашла на оваа листа.

„Девојче и мече“ е една од трите сликовници за деца и возрасни на Костуранов во издание на „Либи“, дел од „Арс Ламина – публикации“, покрај „Ѕвездено дете“ и „Девојчето и градот“. За време на Саемот на книгата во Скопје во 2019 година, на доделувањето на годинашните награди од Македонската асоцијација на издавачи (МАИ), сликовницата ја освои првата награда за најдобро ликовно-графички уредено издание.

Во книгата, едно девојче и едно мече ни ги отвораат вратите од нивниот свет, кој е исто толку обичен, колку што е необичен. Поминувајќи го сето време заедно, тие откриваат многу нови работи. Откриваат дека колку побрзо го возат велосипедот, толку посилно ветрот им ја дува косата. Се искачуваат на највисоките ридови, обидувајќи се да ги допрат сончевите зраци. Уживаат во есента, играјќи си криенка со сонцето. Сѐ прават заедно, додека еден ден…

Книгата „Девојче и мече“ е достапна во сите книжарници на „Литература.мк“, а може да се нарача и онлајн преку www.literatura.mk.

„Девојче и мече“ во 2019 година се најде на престижната книжевна листа The White Ravens
Во Јужна Кореја сликовницата ја издава Yellowstone publishing.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.