Отворен конкурсот за наградата ПЕГАЗ за најдобар необјавен роман за 2021 година

Издавачката куќа „Арс Ламина“ и Фондацијата за унапредување и промоција на културните вредности „Славко Јаневски“ го распишуваат третиот конкурс за книжевната награда ПЕГАЗ за најдобар необјавен роман за 2021 година. За наградата можат да конкурираат сите заинтересирани автори со свои необјавени романи (ракописи) наменети за возрасни или за деца, напишани на македонски јазик со кирилично писмо. Романите треба да бидат предложени од самите автори-кандидати за наградата, кои треба да ги достават во електронска форма (во „ворд“ или во ПДФ-формат), на следната е-пошта: pegaz@arslamina.com. Авторите се должни да остават валидна е-адреса и телефонски број за контакт, на кои ќе бидат достапни и непречено ќе комуницираат со организаторите на конкурсот. Конкурсот ќе биде отворен до 31 мај 2021 година.

Ракописите ќе ги оценува тричлена стручна жири-комисија, составена од двајца релевантни и реномирани книжевни дејци и еден претставник на издавачот. Наградата ПЕГАЗ се состои од паричен износ од 90.000 денари и објавување на романот во посебна едиција. Добитникот на наградата ќе биде соопштен најдоцна до 29 октомври 2021 година. Доколку и некој друг ракопис биде оценет позитивно, издавачот „Арс Ламина“ може да понуди објавување и на второ- и треторангираните романи.

На минатогодишното, второ издание на наградата ПЕГАЗ, пристигна 61 ракопис, а првото место го освоија Љупчо Петрески со романот „Лазарка“ и Владо Јаневски со романот „Мртвите знаат најдобро“. Во 2019 година, пак, победи ракописот „Насон прочитана книга“ од авторката Соња Манџук, a дополнително „Арс Ламина“ го објави и романот „Курвински хроники“ на Александар Русјаков, кој беше позитивно оценет од стручното жири.

Наградата ПЕГАЗ за најдобар необјавен роман е своевидно продолжение на веќе етаблираната награда „Роман на годината“ што ја доделува Фондацијата за промоција и унапредување на културните вредности „Славко Јаневски“.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.