Основците од Кочани се запознаа со новите книги на Васил Мукаетов инспирирани од творештвото на Цепенков

Во организација на библиотеката „Искра“ од Кочани, со која издавачката куќа „Арс Ламина“ има долгогодишна соработка, беше организиран настан по повод втори април – Меѓународниот ден на детската книга.

На промоцијата што се реализираше преку платформата „Зум“, пред децата од неколку основни училишта од Кочани, беа претставени последните четири книги од Васил Мукаетов: „Ај погоди“, „Од згода до згода, заграб бистра вода“, „Што е, а што не е?“ и „Мариовски сказни, Пејови приказни“. Модератор на настанот беше Магдалена Кочовска Салтирова, а за книгите и за творештвото на Мукаетов зборуваше уредничката во „Арс Ламина“, Татјана Димовска-Атанасова и самиот автор. Беше потенцирана исклучителната важност на неговите последни книги инспирирани од Марко Цепенков, а по повод стогодишнината од неговото творештво.

– Со овие книги Мукаетов на децата им го приближува народното творештво. Низ игровити и шеговити стихови ги повикува да ги активираат мозочињата, да насетуваат, погодуваат и размислуваат. Последните четири наслови од овој мошне плоден автор се скапоцено дополнување на наставата по македонски јазик во основните училишта со содржини што недостигаа, а се битен сегмент на часовите по литература – истакна Димовска-Атанасова.

Васил Мукаетов ја истакна важноста на читањето, даде кусо појаснување за секоја од неговите книги и прочита неколку извадоци, барајќи од децата кои ја следеа промоцијата да ги погодуваат неговите гатанки и дополнувалки.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.