Онлајн-промоција на сликовницата „Денеска ти нема да играш“ насочена кон булингот

Сликовницата „Денеска ти нема да играш“ од шпанската авторка Пилар Серано која е насочена кон исклучителна важна тема, односно булингот меѓу учениците, ќе биде промовирана онлајн на 4 февруари (четврток) во 19 часот на фејсбук-страницата на „Литература.мк“.
 
Станува збор за сликовница во издание на „Либи“, дел од „Арс Ламина – публикации“ која е веќе достапна во сите книжарници „Литература.мк“ како и за онлајн-нарачка на www.literatura.mk

Модератор на онлајн-промоцијата ќе биде уредничката во „Арс Ламина“, Татјана Димовска – Атанасова, додека соговорник ќе биде психологот Христина Стефановска која ќе даде поширока димензија и конкретни совети врзани со булингот кај децата и учениците што сè повеќе зема замав како во светски рамки, така и кај нас.
 
„Денеска ти нема да играш“ е приказна за Ана и за нејзините другарчиња од одделението кои се жртви на булинг. Порано одењето на училиште им било забавно, но полека прераснало во кошмар, откако Ема станала дел во класот. Таа е злобна и им заповедува на сите, но особено Ана е главната мета на сите нејзини напади. Ана почнува да се чувствува лошо, има намален апетит и станува сè потивка.
 
Авторката Серано има работено како учителка и во ова нејзино дело раскажува приказна за тимската работа и за храброста врз основа на нејзините лични искуства со учениците.
 
Приказната во „Денеска ти нема да играш“ освен што обработува мошне актуелна тема, таа нуди и алатка за справување со булингот кај учениците.

One thought on “Онлајн-промоција на сликовницата „Денеска ти нема да играш“ насочена кон булингот

  1. Прекрасна презентација …излагањето на психологот беше концизно, јасно, применливо за нас стручните лица, а мислам дека и за родителите во насока на препознавање на однесувањето кај деца кои се соочени со булинг…
    Браво!

Напиши одговор на Наташа Откажи одговор

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.