Книгата „Списокот гости“ од авторката Луси Фоли беше прогласена за најдобар трилер/мистерија за 2020 година на изборот на една од најпознатите светски веб-страници за книги „Гудридс“ (goodreads.com) Ова дело доби најмногу гласови од читателите од цел свет, а догодина ќе биде објавено од издавачката куќа „Арс Ламина“ и ќе се појави на полиците на книжарниците „Литература.мк“.

„Списокот гости“ на Луси Фоли е приказна за еден изолиран остров во Ирска каде се собираат гости за да ја прослават свадбата на Џулс Киган и Вил Слејтер. Вил е шармантен телевизиски лик во подем. Џулс е паметна и амбициозна уредничка на списание. Но, и покрај совршената организација, темни облаци се приближуваат, а секој на овој остров има свој скриен мотив и причина да биде таму…

Останатите добитници за најдобри изданија според читателите на „Гудридс“ може да се погледнат на следниот линк.