НАСКОРО: Славој Жижек анализира како оваа „Пандемија“ го менува светот во најновото дело преведено на македонски јазик

Славој Жижек кој честопати го нарекуваат „најопасниот философ на Западот“ во своето ново дело со наслов „Пандемија“ обработува актуелна тема што во моментов „ја изместува Земјата од својата оска“ и воедно со своето уникатно гледиште ни го разоткрива нејзиното подлабоко значење. Книгата со поднаслов „Ковид – 19 го тресе светот“ веќе е преведена на македонски јазик во издание на „Арс Либрис“, дел од „Арс Ламина – публикации“. Наскоро ќе се најде во сите книжарници „Литература.мк“ и ќе може да се купи онлајн на интернет-страницата www.literatura.mk.

Славој Жижек е современ словенечки професор, критичар, самодеклариран „комунист во смисла на квалификации“, „радикален левичар“ и „христијански материјалист“ кој со еднаква страст зборува и за Хегел и за Бетмен. И покрај тоа што има напишано многу книги, најпознат е по неговите јавни настапи и предавања, чијашто популарност го етаблира како еден од најпознатите мислители на денешнината. Вели дека сите ние сме толку длабоко вградени во капитализмот, што не можеме да му побегнеме дури ни на сон.

Korica - Slavoj Zhizhek

Како што пандемијата го обиколува светот, Жижек на изненадувачки јасен и лесно читлив начин ни го открива нејзиното подлабоко значење, притоа презентирајќи парадокси што воодушевуваат, а можните последици по светот се претставени толку јасно, што читателот ќе го облее пот. Живееме во време во кое врвен облик на внимание е физичката оддалеченост, а луѓето се зближуваат изолирани во своите домови. Владите кои до вчера систематски кратеа од фондовите за инфраструктура, здравство и образование – преку ноќ наоѓаат илјадници милијарди. Тоалетната хартија станува вредна и барана стока, а до вчера славните пејачи и глумци тонат во безначајност.

Кој е можниот излез? Дури и ако одговорот не ви се допадне – како што нè уверува Жижек – неговата нужност се наметнува. Ова е само генерална проба за огромните промени што следуваат.

Оваа извонредна мала книга гарантирано ќе ве направи многу поупатени во тековната криза и ќе ви овозможи да ја гледате надвор од површноста и лажливоста на секојдневната медиумска какофонија.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.