Ексклузивна светска ТВ-премиера на „Медена земја“ на „Телма“ во сабота

Документарниот филм „Медена земја“ во сабота (18 април) ќе ја има својата светска ТВ-премиера на телевизија „Телма“. Првото и ексклузивно телевизиско прикажување на најуспешниот македонски документарец ќе биде со почеток во 19.20 часот.

Инаку, документарецот го гледаа вкупно 45.200 гледачи во кината и во домовите на култура, во 30 градови низ Македонија. Филмот беше на репертоарите на кината во Скопје повеќе од 13 недели. Другите градови во кои се прикажа „Медена земја“ се: Битола, Кратово, Штип, Крива Паланка, Струга, Куманово, Охрид, Свети Николе, Делчево, Тетово, Гостивар, Пробиштип, Македонски Брод, Македонска Каменица, Неготино, Богданци, Крушево, Радовиш, Кичево, Прилеп, Пехчево, Гевгелија, Виница, Валандово, Берово, Демир Хисар, Струмица и Кавадарци.

Македонскиот документарец светската премиера ја имаше на „Санденс“ во јануари минатата година, каде што освои три престижни награди. Во Македонија премиерно беше прикажан на фестивалот „МакеДокс“ минатиот август. Филмот учествуваше на повеќе од 80 филмски фестивали и освои над 40 меѓународни награди.

„Медена земја“ е првиот документарен филм во светската историја што добил две номинации за „Оскар“ – за најдобар документарен филм и за најдобар интернационален филм.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.