Двете сестрички Марија и Маги, кои се популаризираа со својот јутјуб-канал „Читаме со Марија и Маги“, каде што зборуваат за книгите што ги читаат, направија листа со своите топ 5 книги за деца од „Литература.мк“, што препорачуваат да се прочитаат за време на изолацијата. Во продолжение се поединечните листи на двете млади љубителки на пишаниот збор.

Омилените топ 5 книги на Марија

1. „Хари Потер и Каменот на мудроста“ од Џ. К. Роулинг

Воодушевувачки возбудлива и оригинална! Полна со фантазија и волшепства! Ова е книга која не ти дава да дишеш додека не ја завршиш! Прекрасна!

Книгата е достапна на следниот линк.

2. „24 часа во Еднорозија“ од Јасмина Кантарџиева Димков

Една приказна која лета заедно со времето! Магична книга која просто те вовлекува!

Книгата е достапна на следниот линк.

3. „Принцезата и гоблинот“ од Џорџ Мекдоналд

Волшебна книга со необична приказна која поттикнува на размислување и откривање!

Книгата е достапна на следниот линк: https://literatura.mk/BookDetails.aspx?Pr=11737

5. „ТКЦП“ серијал од Билјана С. Црвенковска и Здравко Гиров

Забавни и фантастични! Брзо се читаат, замислуваат и развеселуваат!

Книгите се достапни на следниот линк.

5. „Загадочни приказни“ серијал од Урош Петровиќ

Мистериозни приказни со логички загатки – совршени за исполнување на слободното време на целото семејство со слатки одгатнувачки маки.
Книгите се достапни на следниот линк.

Омилените топ 5 книги на Маги

1. „Јип и Јанеке“ од Ани М. Г. Шмит

Оваа книга ја препорачувам затоа што е многу смешна. Може да ја читаат и поголеми и помали и да се смеат на глас! А откако ќе се прочита, супер е за играње како Јип и Јанеке.

Книгата е достапна на следниот линк.

 

2. Серијал „Кралот Светкошорц“ од Енди Рајли

Серијалот за „Кралот Светкошорц“ од Енди Рајли ми се допаѓа на сличен начин како и „Јип и Јанеке“, многу е смешен. 🙂 Претпоставувам дека на многу деца ќе им се допаѓа за читање на глас и глумење во слободното време.

Книгите од овој серијал се достапни на следниот линк

3. „Мистериозното јајце“ од Оливер Коларевски

Оваа книга е мистериозна и интересна. Со неа слободното време ќе ви биде исполнето со возбуда, особено ако ја читате околу Велигден.

Книгата е достапна на следниот линк.

4. „Ѕвездено дете“ од Ване Костуранов

Приказната е ѕвездена и волшебна! Толку е едноставна и убава што кога јас ја прочитав бев целосно восхитена! Ја препорачувам и за деца помали од 6 години. Мислам дека на сите особено ќе им се допаднат прекрасните слики на Ване Костуранов.

Книгата е достапна на следниот линк.

 

5. „Девојче и мече“ од Ване Костуранов

Мислам дека оваа книга посебно ќе ги привлече малите деца кон игрите со кадифени играчки и ќе ги одушеви.

Книгата е достапна на следниот линк.