„Арс Ламина“ донира книги во обновената читалница во студентскиот дом „Стив Наумов“

 

Издавачката куќа „Арс Ламина“ донира книги во обновената читалница во студентскиот дом „Стив Наумов“ во Скопје, која официјално беше отворена денеска (13.06.2019) напладне. Донацијата вклучува стотина наслови од белетристиката и стручна литература – соодветна за студентите. Со ова, „Арс Ламина“ ја продолжува својата мисија да ги направи книгите полесно достапни до читателите од сите генерации, како и да ги поттикне читачките навики.

Обновувањето на читалницата е реализирано во рамките на проектот „Студентски домови без корупција“ спроведен од страна на студентите од студентскиот дом и Младинскиот образовен форум. Акцијата беше спроведена од 1 до 12 јуни, со цел да се уреди просторот во постојната читалница и дворот во студентскиот дом.

Со оваа акција започнува низата студентски акции во државните студентски домови. Студентските акции од проектот ќе се спроведат во државните студентски домови „Стив Наумов“, „Кузман Јосифовски-Питу“ и „Гоце Делчев“ во текот на јуни 2019 година.

Проектот „Студентски домови без корупција“ се спроведува од август минатата година и ќе трае до јули годинава. Примарната цел на проектот е да се поттикнат институциите на потранспарентно и поодговорно управување со студентските домови, како и вклучување други институции, организации и правни лица за подобрување на условите во домовите.

Донаторската акција за книги и стручна литература ќе остане активна и по официјалното отворање на обновената читалница, за сите заинтересирани физички и правни лица да можат да дадат свој придонес.

 

 

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.