Џон Илија Апелгрен: Среќен сум што моите музички идоли ми станаа пријатели

Познатиот џез-вокалист Џон Илија Апелгрен во ова издание на „Астрорум“ ја открива својата музичка приказна. Тој веќе три децении, на нашата сцена го одржува жанрот што не е карактеристичен за нашето поднебје, маестрално исполнувајќи ги најубавите џез-стандарди од светската музичка литература.

Апелгрен се смета за еден од најдобрите вокали во регионот, а зад себе има импресивна кариера, исполнета со многубројни настапи како солист со разновидни оркестри и ансамбли, со сигнификантен број на студиски снимки и редовни настапи на фестивали и концерти надвор од земјава.

Роден е во Лондон, Велика Британија во 1969 година во британско-македонско семејство. Во детството и раната младост учел балет и виолина, а подоцна почнал да пее во рок-бенд составен од негови средношколски другари. Така, подоцна и открил дека неговиот глас не е за рокенрол, туку дека совршено се вклопува во џезот, музиката што тој секогаш ја негувал како посебна.

За време на неговата богата кариера има настапувано на концерти во Македонија, Србија и Грција, со Биг бендови, симфониски оркестри и во помали џез-формации. Има настапувано на престижните фестивали „Охридско лето“ и „Скопско лето“, како и на повеќе меѓународни фестивали за популарна музика во земјата и во странство. Има снимено многу илјади минути музика за Македонската национална телевизија, отпеано многу часови ревиска музика за новогодишните телевизиски програми и е повеќе од една декада дел од познатиот „Виенски бал“ во Скопје. Едно време бил главен вокалист на „Биг бендот“ на МРТВ, а во раните 90-ти години имал редовни музички настапи и во елитните хотели во Велика Британија. За време на неговата досегашна музичка кариера има снимено повеќе од 150 џез-стандарди. Неговиот репертоар се состои од композициите на легендарните пејачи Нат Кинг Кол, Френк Синатра, Тони Бенет и Антонио Карлос Жобим, како и Пол Енка и Мајкл Бубле.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.