Дарко Багески: Вистинскиот професор секогаш доаѓа во вистинското време

Непосредно пред почетокот на јубилејното десетто издание на Меѓународниот гитарски фестивал и натпревар „Тремоло“, што се одржа од 9 до 12 мај во Скопје, во „Астрорум“ ни гостуваше Дарко Багески, нашиот врвен гитарист и гитарски педагог којшто концертира насекаде во светот, но многу ретко дома.
Дарко Багески своето музичко образование го стекнал во Скопје, Македонија (кај проф. Јане Пенов) и Загреб, Хрватска (кај проф. Џевдет Сахатхија) и дипломирал на Високата школа за музика „Франц Лист“ во Вајмар, Германија (кај проф. Јирген Рост). Неговата едукација продложува на постдипломските студии на Националниот конзерваториум за музика во Солун, Грција, во класата на проф. Герхард Рајхенбах, а магистерскиот степен го освојува под менторство на проф. Костас Коциолис.


Багески има остварено многу концерти и рецитали во Германија, Грција, Бугарија, Хрватска, Црна Гора, Србија, Италија, Шведска, Кина и САД, а учествувал и на семинари и врвни часови со светски признаени гитаристи како: Павел Штајдел, Томас Милер Перинг, Лаура Јанг, Зоран Дукиќ, Аниело Дезидерио, Никита Кошкин, Ернесто Битети, Карло Маркионе, Одар Асад и други.


Дарко Багески, исто така, дејствува како солист со многу камерни оркестри, но и со симфониски, како оној со оркестарот на Македонската филхармонија. Меѓу многуте награди, тој ги освојува наградите од Асоцијацијата на музичките и балетските педагози на Македонија за долгогодишна успешна педагошка работа.
Моментално работи како редовен професор на Факултетот за музичка уметност во Скопје и е уметнички директор на фестивалот „Тремоло“, како и основач на Летната академија за гитара во Охрид. Воедно ја извршува и функцијата претседател на Македонската заедница за класична гитара.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.