Моџо Килингтон: Со „Аутопсија на љубовта“ ја губам поетската невиност


Неодамна, непосредно пред објавувањето и промоцијата на неговата прва збирка поезија „Аутопсија на љубовта“ во издание на „Арс Ламина ‒ публикации“, се сретнавме со авторот, Божидар Божиновски алијас Моџо Килингтон и го снимивме и неговото прво големо телевизиско интервју за емисијата „Астрорум“ на „Литература.мк“.
Моџо е сценарист и еден од најпопуларните активисти на социјалните мрежи со големо влијание врз општествената реалност. Дел е и од популарната македонска комично-сатирична телевизиска емисија „Фчерашни новости“ и уредник е на интернет страницата FN.mk, којашто објавува „вести“ што на духовит начин ги коментираат дневно-политичките настани во земјава.

Моџо Килингтон е писател, сценарист, Фејсбук активист, носител на партизанска споменица 1941-ва, добитник на ѓезве од кафе на наградна игра, има собрано над 100 лајка на „Фејсбук“.
‒ Роден сум дамнешната 1986 година во битолската болница како прво чедо на Елизабета и Орце Килингтон, старо мијачко презиме. Од мали нозе сакав да се дружам со книгите зашто собирав картони за живот. Кога пораснав се префрлив на потешки работи како што се железо и бакар. Основното и средното образование го завршив во родниот град, со врски, а факултетот за политички науки во Скопје, без врски. Сакам сѐ што сакаат младите, а е во рамките на законските прописи и регулативи. Уживам во хаику, склопување на бротчиња во шише и решавање загатки. Мои најголеми желби се мир во светот и мир во душата. И едното и другото недостижни. Косата ја мијам секој ден, фала на прашање, не можам да кажам со кој шампон, оти е реклама. Оваа ми е прва книга, ја губам поетската невиност, па се надевам ќе им се допадне на читателите. Ако не, моите дома сигурно ќе ми речат дека е супер. Татко на два кредити од 3 и 10 години. Вакцинирани ‒ вели тој за себе.

Ете тоа е Моџо, во типичен моџо стил, а сега неколку зборови за неговата прва збирка поезија „Аутопсија на љубовта“, којашто после промоцијата во книжарницата Литература.мк, ќе има и свое претставување на претстојниот Саем на книгата 2019. За неа, уредничката Татјана Димовска-Атанасова рече:
‒ Станува збор за длабоко интимна поезија, авторот се соголува себеси, интензивно чувствува: љубов, копнеж, страв, безнадежност, апсурд… Токму тој Бодлеровски призвук, емоционално жестоки слики со силно изразени контрасти, се најсилната страна на поезијата на Моџо. Помеѓу стиховите во кои се испреплетуваат тагата, болката и разочарувањето, како противтежа авторот ја спротивставува љубовта како нешто што ќе го спаси светот. На границата помеѓу животот и смртта, сонот и јавето, постоењето и непостоењето, ангелите и демоните, е таа, неговата љубена по која тој посега, а патиштата никако да им се вкрстат. Како расипан часовник чии стрелки се застанати далеку една од друга, проколнати никогаш да не се сретнат.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.