Врачена наградата „Роман на годината“ за 2018 година на Николина Андова-Шопова

Вчера, на десетти април, во 19 часот, во Културно-информативниот центар во Скопје беше врачена престижната книжевна награда „Роман на годината“ за 2018 година што ја доделува Фондацијата за промоција и унапредување на културата „Славко Јаневски“.

Добитник е романот „Некој бил тука“ од Николина Андова-Шопова, во издание на „Темплум“. Вака одлучи жири-комисијата за доделување на наградата во состав: Фросина Пармаковска (претседател), Богомил Ѓузел, Александар Прокопиев, Елизабета Баковска и Катерина Богоева. Наградата „Роман на годината“ годинава се доделува по 20-ти пат.

На крајот на настанот, беше објавен и првиот конкурс за новата книжевна награда за најдобар необјавен роман на годината – „ПЕГАЗ“, распишан од нашата издавачка куќа „Арс Ламина“ и Фондацијата за унапредување и промоција на културните вредности „Славко Јаневски“.

За наградата можат да конкурираат сите необјавени романи (ракописи) наменети за возрасни или за деца. Романите треба да бидат предложени од самите автори-кандидати за наградата. Ракописите треба да се испратат во електронска форма (во „ворд“ или во ПДФ-формат), на е-адресата: pegaz@arslamina.com. Романите ќе ги оценува тричлена стручна жири-комисија, составена од реномирани книжевни дејци и еден претставник на издавачот. Конкурсот ќе биде отворен до 15 мај 2019 година.

Наградата „ПЕГАЗ“ се состои од паричен износ од 90.000 денари и објавување на романот во посебна едиција. Добитникот на наградата ќе биде објавен најдоцна во септември 2019 година.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.