Со илустрираната книга „Девојчето на ридот“ го одбележуваме светскиот ден на лицата со Даунов синдром

Со топлата, едукативна и емотивна илустрираната книга „Девојчето на ридот“ го одбележуваме светскиот ден на лицата со Даунов синдром, 21 март. Изданието „Девојчето на ридот“ од авторката Ида Мантон е збогатена со илустрации од Емилија Мишева која твори под името Ем Елефантски. Книгата е за мало девојче Луна (месечина), со Даунов синдром, чиј свет е меѓу ѕвездите каде што ги гледа неверојатните слики направени од магичните бои што ги гледаме кога заоѓа сонцето. Тоа ја инспирира да започне со часови по балет, а книгата објаснува како била прифатена од децата во нејзиното соседство.

Создавајќи ја сцената и балерините, најпрво во сопствената фантазија, таа подоцна успева таа фантазија да ја преслика во реалноста. Девојчето со Даунов синдром станува дел од светот на возрасните, носи магија на сцената, но и во животите на тие што ја гледаат нејзината изведба. Луна верува дека соништата се исполнуваат, само ако силно се верува во нив и во тоа успева да ги убеди и другите.

Сликовницата порачува дека и лицата со Даунов синдром можат да ги остварат своите соништа, дека нивниот развој во голема мера зависи од тоа што од нив се очекува, дека тие можат и мораат да учат, да работат, да одлучуваат за себе и дека се активен и конструктивен дел од заедницата во која живеат. За да се остварат себеси, сите ние мораме да им дадеме можност да ги развијат своите вештини во она што го сакаат, да бидат вклучени во сите активности на своите врсници и да веруваме во нивните соништа.

Книгата е достапна во книжарниците „Литература.мк“ на улицата „Македонија“, ТЦ „Рамстор“ , „Скопје сити мол“, и во Битола на ул. „Широк Сокак“ бр. 40.

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.