Балканскиот славеј, Билјана Биља Крстиќ, гостинка во „Астрорум“

Во ова издание на „Астрорум“ ни гостува светски познатата српска пејачка Билјана Биља Крстиќ. Родена е во 1955 година во Ниш и израсната со народните традиции на централна Србија. Билјана на почеток ја изучува музиката во родниот град, а потоа продолжува со образованието во Белград каде студира музика на Белградскиот универзитет за уметности. По дипломирањето во Белград, остварува исклучително успешна музичка кариера. До денес има издадено повеќе албуми и има создадено музика за филмови како „Спасител“ и „Зона Замфирова“. Во моментот живее со своите две ќерки во Белград.

Биља Крстиќ е долго време присутна на југословенската поп-сцена. Нејзиното сценско искуство започнало во нејзината млада возраст во младинскиот хор, а подоцна, во 1970-тите години, таа ќе членува во култните групи „Сунцокрет“ и „Рани Мраз“, едната предводена од Бора Ѓорѓевиќ, а другата од Ѓорѓе Балашевиќ. По растурањето на „Рани Мраз“ ја започнува соло-кариерата. Нејзиниот прв албум е издаден во 1983 година, а издава и три поп-ориентирани плочи. Исто така, создава и музика за многу театарски претстави за „Београдско народно позориште“. Во меѓувреме, дипломира на Факултетот за музичка уметност во Белград и почнува да работи како музички уредник во Радио Белград.

This slideshow requires JavaScript.

По успешната кариера во поп музиката, Биља Крстиќ решава да сними материјал што и е при срце уште од детството. Повеќе од пет години трпеливо собира неоткриени народни песни од териториите на Косово, Јужна Србија, Македонија, Источна Србија, Романија и Унгарија. Тоа резултира со албумите Bistrik (2001) и Zapisi (2003). Албумот Бистрик беше повторно издаден за издавачката куќа В 2 од Грција, во мај 2002 година.

Музиката што ја изведува Биља Крстиќ е фузија, мешавина на традиционална етно музика, а капела песни и етно ритми со елементи на импровизација и современ музички пристап. Нејзината цел е да го преточат фолклорот во современа уметност, нивните изведби да ги разбудат срцата и да ги препородат и да им дадат енергија на заборавените емоции. Нејзиното искрено сценско присуство и прекрасен глас се потврдија со одличниот прием на повеќе од 200 концерти ширум светот и во нејзината родна земја. Најдобра потврда за тоа е што таа беше поканета како единствен женски вокален изведувач од Медитеранот на фестивалот “Mostra Sesc de Artes” во Сао Паоло во 2005 година. Во тоа време беше членка и на “Mediterraneo Orchestra”, ансамбл составен од 25 врвни музичари од целиот свет. Нејзиниот трет албум, Tarpoš, беше издаден низ цела Европа на почетокот на 2007 година, под лиценца на германската издавачка куќа Intuition/Schott Music, и постигна голем успех кај критичарите и публиката од областа на ворлд музиката. Потоа следеше албумот Izvorište за PGP-RTS (2013), а минатата година со групата „Бистрик“го издаде албумот Svod (2017) за истакната британска издавачка куќа Arc Music.

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google+ photo

You are commenting using your Google+ account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

w

Connecting to %s

This site uses Akismet to reduce spam. Learn how your comment data is processed.