Десетте најдобро платени светски писатели меѓу јуни минатата година и јуни оваа година заработиле вкупно 269 милиони долари бруто, што е 86 милиони долари помалку во споредба со минатогодишната заработка.
Според „Форбс“, меѓу писателите најмногу заработил Џејмс Патерсон – 95 милиони долари. Патерсон пишува детективски романи и книги за деца, објавува од 15 до 16 дела годишно, а вкупно досега има објавено 147 книги.
Втор на оваа листа е Џеф Кини, со заработка од 19,5 милиони долари, кој потврдува дека децата се добра и „плаќачка“ публика. Кини се прослави со „Дневникот на еден мекуш“ („Diary of a wimpy kid“), кој од моментот кога е објавен во 2007 година, стана најчитаната книга во САД, а потоа се пишувани и неговите продолженија.
Уште еден детски автор е во друштвото на најпродаваните, Рик Риордан, кој е последен на листата со 9,5 милиони долари заработка. Многу пред него се наоѓаат Џоан К. Роулинг, авторката на „Хари Потер“, која од минатата година пишува крими-романчиња под псевдоним Роберт Галбрајт. Заработувачката ѝ остана иста, 19 милиони долари, иако успехот со Хари Потер ѝ донесе поголемо богатство, што се проценуваше на милијарда долари. На листата се наоѓаат и Џон Гришам, Џорџ Мартин, Стивен Кинг, Даниел Стил и Нора Робертс.
Стивен Кинг меѓу најплатените автори на литература за деца
Ден Браун пред две години имаше приход од 28 милиони долари, но од тогаш до денес нема напишано ништо ново, што значи приходот му е преполовен, па оваа година тој падна на 9,5 милиони долари, со тоа едвај се задржа на листата на богати писатели.
Извор:
