Март е месецот да ги славиме жените, нивните борби, нивните триумфи и нивното место во денешниот свет. За да прославиме, се сетивме да составиме листа од омилени книги што зборуваат за животите и постигнувањата на жените ширум светот.

1. Јас сум Малала, Малала Јусафсај и Кристина Лемб

Извонредна приказна за едно семејство, оттргнато од своето огниште од страна на глобалниот тероризам, за борбата за образование на девојките, за татко кој, и самиот сопственик на училиште, ја поддржувал и ја охрабрувал ќерка си да пишува и да оди на училиште и за смели родители, кои негуваат силна љубов кон својата ќерка во едно општество што повеќе ги цени синовите.

2. Во кралството: Мојот живот во семејството Бин Ладен, Кармен Бин Ладин

Интернационален бестселер кој е шокантен приказ за тоа како е да се биде жена во Саудиска Арабија во денешно време. Кармен Бин Ладин го тргна превезот за да ја открие приказната за семејството Бин Ладен во една од најтаинствените, најмоќните и најрепресивни земји во светот.

3. Гордост и предрасуди, Џејн Остин

Приказната го следи животот на главниот карактер Елизабет Бенет, која се соочува со прашањето на манирите, воспитанието, моралот, етиката, образованието и бракот во англиското општество на крајот на 19 век.

4. Сестрите Макиока, Џуничиро Танизаки

Една од најдобрите јапонски новели на 20 век. Во Осака, во годините непосредно пред Втората светска војна, четири аристократки се обидуваат да го зачуваат животот што исчезнува – портрет на семејните и општествени вредности и случувања од средината на минатиот век.

5. Раскажувачката, Џоди Пико

Сејџ Сингер се спријателува со еден старец, омилен во заедницата – пензиониран наставник и тренер во јуниорската бејзбол лига. Нивното пријателство започнува во пекарницата во која работи Сејџ.

6. Времето на жените, Елена Чижова

Привидно едноставна приказна за нетипичното израснување на едно навидум немо девојче чија пожртвувана мајка работи двосменски за да обезбеди за потребите на сите – од страна на три баби што живеат во истиот стан. Времето на жените е приземен, емотивен и трогателен роман со нималку наивна претензија да ја подрие официјалната руска историја.

7. Вторнични жени, Моника Пец

Хит-роман напишан во лесен и комичен стил. Во романот се зборува за пет пријателки кои секој вторник во месецот се сретнуваат во нивниот омилен бар.

8. Девојката што го спаси кралот на Шведска, Јонас Јонасон

Урнебесно смешна, заводлива книга за среќа, љубов и меѓународни односи…

9. Книга за телото, Камерон Дијаз со Сандра Барк

Во оваа книга Камерон Дијаз ја споделува сопствената формула како да се биде поздрава, посилна и посреќна личност.