Освежувачи за простор со мирис на книга

Освежувачите за простор со мирис на книга претставуваат решение за сите љубители на прекрасниот мирис на тукушто отворените книги или наталожениот мирис на старите книги и нивните подзалепени страници.

По сознанието дека главен недостиг на читателите на електронски книги (е-книги) е токму неможноста да се почувствува книгата, производителите на освежувачи за простор се сетија да го спакуваат мирисот на книга во освежувач за простор.

Производот е достапен во пет ароми:

  1. Класичен прашлив мирис, по кој ќе кивате како кога ќе отворите некоја исклучително стара книга.
  2. Мирисот на новата, што ќе ве потсети на фантастичниот мирис на омилената книжарница.
  3. Мирис на мачка, што претставува концентриран мирис на 20.000 стари книги со кој ќе имате чувство како да читате некоја стара книга од библиотеката на баба и дедо.
  4. Мирис и чувствителност, со него во просторот ќе се создаде чувство како да живеете во роман на Џејн Остин.
  5. Мирис на крцкава сланина, нискокалоричниот мирис претставува замена за појадок додека наутро ја читате својата е-книга.

Можете да го одберете мирисот што најмногу ви се допаѓа, но ние предлагаме да одберете печатена книга и да уживате во вистинското чувство што знае да го создаде книжевноста.

smell23

Advertisements